191. ខ្ញើច ( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
     ខ្ជើច : ដំណើរ​ខ្ញើច​ៗ ; ដើរ​ខ្ញើច​ៗ (ម. ព.មើលពាក្យ ( ចូរមើលពាក្យ . . . ) ខ្ជើច ផង) ។
     
192. ខ្ញៀវ ( កិ. វិ.កិរិយាវិសេសនៈ ឬ កិរិយាវិសេសន៏ )
     ពាក្យ​សម្រាប់​ចម្រើន​ពាក្យ​ដើរ, ពាក្យ​បណ្ដើរ​ឲ្យ​ប្លែក​ឡើង : មាន់​បណ្ដើរ​កូន​ខ្ញៀវ, មនុស្ស​ដើរ ឬ អង្គុយ​ខ្ញៀវ គឺ​ឈូឆរ​ច្រើន​គ្នា ។
     
193. ខ្ញៀវខ្ញារ ( កិ. វិ.កិរិយាវិសេសនៈ ឬ កិរិយាវិសេសន៏ )
     ដែល​ទ្រហឹង​អឺង​កង ដោយ​សូរ​សម្រែក​នៃ​សត្វ​បក្សី : សារិកា​កែវ​ស្រែក​ខ្ញៀវខ្ញារ ។
     
194. ខ្ញែក ( ន.នាមសព្ទ )
     ឈ្មោះ​វល្លិ​មួយ​ប្រភេទ សម្រាប់​ធ្វើ​ថ្នាំ​បញ្ចុះ ។
     
195. ខ្ញែកខ្ញក ( ឧ.ឧទានសព្ទ )
     សូរ​ឮ​ដោយ​មាន់​ច្រើន ស្រែក​តិច​ៗ ខ្លាំង​ៗ តូច​ៗ ធំ​ៗ : មាន់​ស្រែក​ឮ​ខ្ញែកខ្ញក ។
     
196. ខ្ញែតៗ ( កិ. វិ.កិរិយាវិសេសនៈ ឬ កិរិយាវិសេសន៏ )
     ពាក្យ​សម្រាប់​ចម្រើន​ពាក្យ​ពោល, និយាយ, ស្ដី​ឲ្យ​ប្លែក​ឡើង : និយាយ​ខ្ញែត​ៗ គឺ​និយាយ​ចច្រែត​ខ្លាំង​ៗ ឥត​ក្រែង (សំដី​ស្រ្តី) ។
     
197. ខ្ញែម ( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
     រម្យទម, កន្ដឹម : អង្គុយ​បត់​ជើង​ខ្ញែម គឺ​អង្គុយ​បត់​ជើង​សមរម្យ​ស្រួលបួល ។ អំពី​ដំណើរ ឬ អាការ​ដែល​ទំពា​ស៊ី : ទំពា​ខ្ញែម​ៗ ។
     
198. ខ្ញែរ ( ន.នាមសព្ទ )
     ឈ្មោះ​វល្លិ​មួយ​ប្រភេទ ផ្លែ​មាន​មមីស​រមាស់​ណាស់ : វល្លិ​ខ្ញែរ, ខ្ញែរ​រោល ។
     - ដួង​ខ្ញែរ ដួង​ដែល​កើត​ក្នុង​វល្លិ​ខ្ញែរ ។
     
199. ខ្ញែរ ( ន.នាមសព្ទ )
     ឈ្មោះ​ល្ហុង​មួយ​ប្រភេទ ធាង​វែង ស្លឹក​ធំ ឆែក​ៗ មាន​ប្រហោង​ក្នុង​ធាង ក្លិន​ក្រពុល ផ្លែ​ចង្កោម​ៗ កួរ​ផ្លែ​មួយ​ៗ ទំហំ​ប៉ុន​ផ្លែ​ពុទ្រា ឬ ផ្លែ​កន្ទួត, មាន​រោម​នៅ​សំបក​ដូច​ផ្លែ​សាវម៉ាវ, គ្រាប់​ធ្វើ​ជា​ប្រេង : ល្ហុង​ខ្ញែរ ។
     
200. ខ្ញោក ( គុ.គុនសព្ទ )
     ដែល​ស្រួយ​ក្រៃពេក; ស្រួយ​ណាស់ : ស្រួយ​ខ្ញោក ។
     

<< Prev   1 ... 15   16   17   18   19   20   Next >>